مشهد من الحرب القائمة علي صفحات جريدة روز اليوسف عن طريق رئيس تحريرها عبد الله كمال ( علي اليسار) ضد
الصحفي الموهوب و الساخر بلال فضل( علي اليمين) في الدستور
الحوار المفتعل الذي اجراه في الدستور كاتبها الساخر بلال فضل مع شادي جمال مبارك، علي وزن الحوار
الذي اجراه زميلنا عبد الله كمال رئيس تحرير جريدة روز اليوسف مع جمال مبارك
:
ـ اسمح لي سعادتك ويا رب اتشل قبل ما اكمل السؤال، الكلا.. قصدي المعارضين.. انا اسف يا فندم خليك ديمقراطي، عشان انا مش قادر، لازم اقول عليهم الكلاب، بيقولوا ان حضرتك بقي لك فترة طويلة جنب صانع القرار، كانت تكفي لاصلاح احوال عشرة بلدان، وبرغم ذلك ما زلنا موكوسين من وجهة نظرهم طبعا؟
ـ شوف يا اخ سيد.. هو شعبنا طيب واحنا بنحبه وبنديله عينينا وعمرنا ضايع في خدمته، لا عارفين ندخل سينمات ولا نشتري مولات ولا نتمتع بفلوسنا، وكل ده عشانه، وبرغم ذلك مشكلته انه شعب متربع، بيموت في الاستعجال، عايز كل حاجة تتم بسرعة شديدة، وناسي ان البلد خرب في ميت سنة، عايزني اصلحها لك في سنتين.
ـ اسمح لي سعادتك ويا رب اتشل قبل ما اكمل السؤال، الكلا.. قصدي المعارضين.. انا اسف يا فندم خليك ديمقراطي، عشان انا مش قادر، لازم اقول عليهم الكلاب، بيقولوا ان حضرتك بقي لك فترة طويلة جنب صانع القرار، كانت تكفي لاصلاح احوال عشرة بلدان، وبرغم ذلك ما زلنا موكوسين من وجهة نظرهم طبعا؟
ـ شوف يا اخ سيد.. هو شعبنا طيب واحنا بنحبه وبنديله عينينا وعمرنا ضايع في خدمته، لا عارفين ندخل سينمات ولا نشتري مولات ولا نتمتع بفلوسنا، وكل ده عشانه، وبرغم ذلك مشكلته انه شعب متربع، بيموت في الاستعجال، عايز كل حاجة تتم بسرعة شديدة، وناسي ان البلد خرب في ميت سنة، عايزني اصلحها لك في سنتين.
ـ الحقيقة يا فندم انا كدت ابكي من فرط الاعجاب وحضرتك بتتكلم لكني تذكرت انني ولدت من غير غدة دمعية، لذلك اسمح لي بأن انبهر من غير دموع لكي لا تظن انني قصرت.
ـ والله ما قصرت يا اخ سيد، طول عمرك بتعمل بلقمتك وما بتنكرش الجميل، ومصر محتاجة لمجهودات من اهم امثالك وخليني هنا اسألك انا كم سؤال.
ـ والله ما قصرت يا اخ سيد، طول عمرك بتعمل بلقمتك وما بتنكرش الجميل، ومصر محتاجة لمجهودات من اهم امثالك وخليني هنا اسألك انا كم سؤال.
ـ انا متأكد سعادتك ان امي عمرها ما دعت لي، بس هي اكيد غلطتها النهارده ودعت لي عشان حضرتك تمنحني هذا الشرف.
ـ تفتكر انا ليه اخترت صحيفة فاشلة زي صحيفتك من بين كل صحف مصر عشان ادلي لك، كان ممكن ادلي لاي حد، ليه اخترتك انت بس؟
ـ عشان انا ماشي علي العجين ما بلخبطوش، وباعض اللي يدوس لك علي طرف من غير ما حضرتك تطلب.
ـ اللي بيعضوا كتير يا اخ لحاس، لكن عندهم مشكلة رهيبة انهم بيعضوا وهم جواهم مش مقتنعين، بيلحسوا الاغتاب وهم مستنكفين ده بس بيعملوه غصبا عنهم، انت بتعض بضمير وبتلحس بايمان، ولذلك المؤمن الفاشل احب الينا من ضعيف الايمان القوي الشاطر.
ـ حضرتك منحتني حالا وسام الجمهورية الملكي من الطبقة الاولي، مش هاقولك غير انك يا رب تشوفنا رعايا ليك لما تبقي رئيسنا الملك، باقي سؤال واخلع حالا، عشان زمان الزملاء جهزوا ردود الافعال علي الحوار من الناس.
ده احنا لسه بنعمله، لحق يبقي له ردود افعال.
ـ معلهش ياباشا اسمح لي سعادتك ممكن تحكم لكن تنافق لا، النفاق ده لعبتي، سؤالي الاخير وبتسد بلعومي لو
كنت دست لخصوصية حضرتك علي طرف، هل فيه مشروع زواج قريب؟ يعني الناس عايزة تفرح بيك.
ـ ببساطة مش هاقولك غير: اتجوز ليه وانا مستمتع مع الشعب
No comments:
Post a Comment